హైదరాబాద్ నుంచి దుబాయ్ కు విమాన సర్వీసులు

శంషాబాద్ అంతర్జాతీయ విమానాశ్రయం నుంచి దుబాయ్ కి విమాన సర్వీసులు ప్రారంభం అయ్యాయి. ఎయిర్ బబుల్ లో భాగంగా కేంద్ర పౌరవిమానయాన శాఖ యూఏఈతో చేసుకున్న ఒప్పందం ప్రకారం ఈ సర్వీసులు నడుపుతున్నారు. ఎమిరేట్స్ ఎయిర్ లైన్స్ ఈ సర్వీసులను ప్రారంభించింది. భారత్ ఇప్పటికే ఎయిర్ బబుల్ కింద పలు దేశాలతో ఒప్పందాలు చేసుకుని విమాన సర్వీసులు నుడుపుతున్న విషయం తెలిసిందే. ఈ జాబితాలోకి ఇఫ్పుడు హైదరాబాద్ అంతర్జాతీయ విమానాశ్రయం కూడా చేరింది.

హైదరాబాద్ నుంచి దుబాయ్ కు మంగళ, గురు, ఆదివారాల్లో సర్వీసులు నడవనున్నారు. ఇప్పటికే ఈ సర్వీసులు ప్రారంభం కావటంతో దుబాయ్ వెళ్లే పర్యాటకులు, ఇతర అవసరాలు ఉన్న ఇతర ప్రాంతాలకు వెళ్ళకుండా నేరుగా హైదరాబాద్ నుంచే దుబాయ్ వెళ్ళొచ్చు. అయితే దుబాయ్ మాత్రం కోవిడ్ నెగిటివ్ సర్టిఫికెట్ ఉన్న వారిని మాత్రమే దేశంలోకి అనుమతిస్తోంది.