Golconda Fort

పర్యాటకులకు శుభవార్త. హైదరాబాద్ లోని ప్రతిష్టాత్మకమైన చారిత్రక ప్రదేశాలు అయిన గోల్కొండ, చార్మినార్ ల్లో జులై 6 నుంచి పర్యాటకులను అనుమతించనున్నారు. అయితే ఆన్ లైన్ లో టిక్కెట్లు బుక్ చేసుకున్న వారికే మాత్రమే ఈ వెసులుబాటు ఉంటుంది. పర్యాటకులు కోవిడ్ 19 నిబంధనలు విధిగా పాటించాల్సి ఉంటుంది. కేంద్ర ప్రభుత్వ పరిధిలో ఉండే ఆర్కియాలజీ సర్వే ఆఫ్ ఇండియా (ఏఎస్ఐ) నిర్ణయం మేరకు అధికారులు ఈ నిర్ణయం తీసుకున్నారు. ఏఎస్ఐ ఇప్పటికే దేశంలోని ప్రముఖ పర్యాటక కేంద్రాలైన తాజ్ మహల్ తోపాటు, ఎర్రకోట వంటి చోట్ల పర్యాటకులను అమతిస్తోంది.

సోమవారం నుంచే పర్యాటకులు ఈ ప్రాంతాలను సందర్శించవచ్చు. ఏఎస్ఐ పరిధిలో ఉన్న అన్ని చారిత్రక ప్రదేశాల్లో పర్యాటకులను అనుమతించాలని నిర్ణయించారు. అన్ లాక్ 2లో భాగంగా ఈ మినహాయింపులు కల్పిస్తున్నారు. అయితే ప్రతి చోటా విధిగా మాస్క్ లు ధరించి ఆయా ప్రాంతాలను సందర్శించాలనే నిబంధన పెట్టారు. ప్రతి రోజు ఉదయం తొమ్మిది గంటల నుంచి సాయంత్రం ఐదు గంటల వరకూ చార్మినార్ లో సందర్శకులను అనుమతిస్తారు.

జులై 31 వరకూ అంతర్జాతీయ విమాన సర్వీసులు రద్దు

Previous article

బెలూన్ ట్రిప్స్..అంతరిక్షం అంచుల వరకూ!

Next article

You may also like

Comments

Leave a reply

Your email address will not be published. Required fields are marked *

More in Latest News