బాల్ ఆకారంలో ఉండే ఈ ఫ్యూచరిస్టిక్ హోటల్ గదులు నీటిపై తేలియాడుతూ అటు ఆకాశం, ఇటు సముద్రం కనిపించేలా ఉంటాయి. అంతే కాదు...నీళ్ల కింద ఉన్న పగడపు దిబ్బలు కూడా అందులో ఉన్నవారికి కనిపిస్తాయి. సయభారా రిసార్ట్ అత్యంత విలాసవంతమైన 73 గదులతో అందుబాటులోకి రానుంది. ఈ రిసార్ట్ సొంతంగానే సోలార్ పవర్ సమకూర్చుకోనుంది. బోట్ లేదా సీ ప్లేన్ ద్వారా కూడా ఇక్కడకు చేరుకోవచ్చు. ప్రకృతి ప్రేమికులు, పర్యాటకులను ఇది విశేషంగా ఆకట్టుకునే అవకాశం ఉంది. అయితే ఇక్కడ బస చేయాలంటే అది అత్యంత ఖరీదైన వ్యవహారంగా ఉండటం ఖాయం.