పర్యాటకుల నుంచి వసూల్ చేసే ఫీజు ను దేశంలో పర్యాటక ప్రాంతాల అభివృద్ధి తో పాటు ప్రమాదాలకు గురైన వారిని ఆదుకోవటానికి ఉపయోగించాలి అని ఆ దేశం నిర్ణయించింది. ఆ దేశ ఆర్థిక వ్యవస్థకు పర్యాటక రంగం అత్యంత కీలకం అన్న విషయం తెలిసిందే. థాయిలాండ్ ఆర్థిక వ్యవస్థలో పర్యాటక రంగం వాటా 12 శాతం ఉంటుంది. ఈ ఏడాది థాయిలాండ్ కు 25 మిలియన్ల పర్యాటకులు వస్తారని అంచనా వేస్తున్నారు. వాస్తవానికి ఈ ఫీజు ప్రతిపాదన గత ఏడాది తెరపైకి వచ్చినా కరోనా కారణంగా వాయిదా వేశారు. ఇప్పుడు కాబినెట్ ఆమోదం తీసుకుని జూన్ నుంచి అమలు చేయాలని ప్రతిపాదించారు. దీంతో థాయిలాండ్ వెళ్లే పర్యాటకులు వీసా ఫీజు తో పాటు ఇప్పుడు కొత్తగా పర్యాటక ఫీజు కూడా చెల్లించాల్సి ఉంటుంది.